Zəngəzur dəhlizi ilə bağlı işçi qrup yaradıldı

ABŞ və Ermənistan “Tramp Marşrutu” (Zəngəzur dəhlizi) layihəsinin icrasını sürətləndirmək üçün yeni birgə işçi qrupu yaradıb.

Az24.az xəbər verir ki, ABŞ Dövlət Departamentinin məlumatına görə, dövlət katibinin siyasi məsələlər üzrə müavini Huker Ermənistanın baş naziri Nikol Paşinyanla görüşü zamanı Vaşinqton–İrəvan əməkdaşlığının genişlənməsi və regional proseslərdə əldə olunan irəliləyişlər barədə danışıb.

Görüşdə vurğulanıb ki, son aylarda Ermənistan-Azərbaycan və Ermənistan-Türkiyə münasibətlərinin normallaşması istiqamətindəki addımlar Cənubi Qafqazın yeni ticarət dəhlizi kimi formalaşması üçün ciddi perspektivlər açır.

Hukerin sözlərinə görə, “Tramp Marşrutu” adlandırılan layihə regionu Avropa və Yaxın Şərq bazarları ilə birləşdirə biləcək strateji nəqliyyat xətti kimi dəyərləndirilir. Sözügedən marşrutun texniki, siyasi və iqtisadi koordinasiyasını həyata keçirmək üçün xüsusi işçi qrupu yaradılıb.

İşçi qrupuna ABŞ Dövlət katibinin Avropa və Avrasiya məsələləri üzrə köməkçisinin müavini Koulter rəhbərlik edəcək.