Zelenski xalqına müraciət etdi: “Çətin seçim qarşısındayıq”

Ukrayna Prezidenti Vladimir Zelenski bu gün xalqa televiziya vasitəsilə müraciət edərək, ölkənin tarixi baxımdan son dərəcə həssas mərhələyə daxil olduğunu bildirib.

AZ24.az xəbər verir ki, Ukrayna lideri ABŞ tərəfindən təklif olunan 28 maddəlik sülh planının Ukraynanın maraqları üçün ciddi risklər daşıdığını vurğulayıb.

Zelenski qeyd edib ki, sənədin mövcud forması ölkənin ləyəqətinə, təhlükəsizliyinə və müttəfiqlərlə münasibətlərinə mənfi təsir göstərə bilər. O, xalqı həmrəyliyə çağıraraq bildirib ki, qarşıdakı qərarlar Ukraynanın gələcək taleyini müəyyən edəcək.

O, həmçinin qeyd edib ki, sülh danışıqları davam etdirilir, lakin Ukraynanın əsas maraqları “heç bir halda güzəşt mövzusu olmayacaq”.