Yutub bu il ən çox izlənən adlarını, mövzularını və musiqi trendlərini açıqladı

YouTube 2025-ci ilin yekunlarına dair illik hesabatını açıqlayıb.

Az24.az xəbər verir ki, platforma bu il ən çox baxılan blogerləri, populyar mövzuları və musiqi trendlərini müəyyənləşdirərək, qlobal rəqəmsal mədəniyyətin nəbzini tutan əsas başlıqları izləyicilərlə bölüşüb.

YouTube-un məlumatına görə, amerikalı bloger MrBeast 2025-ci ildə də platformanın lideri olaraq qalmaqda davam edib. O, həm baxış sayı, həm də izləyici artımı baxımından ilin bir nömrəli bloger olub. Beləliklə, MrBeast ardıcıl olaraq illərdir YouTube-un zirvəsini qoruyan yeganə şəxs kimi qalır.

2025-ci ildə platformada istifadəçilərin ən çox maraq göstərdiyi mövzular arasında:

Squid Game — serial yenidən qlobal trendə çevrilərək pop-mədəniyyətdə öz yerini gücləndirib;

Roblox-un istifadəçi tərəfindən yaradılan oyunları — “Grow a Garden”, “Steal a Brainrot” kimi oyunlar YouTube-un “gaming” seqmentində rekord baxışlar qazanıb;

KPop Demon Hunters — musiqi və animasiya qarışığından ibarət layihə ilin əsas fenomenlərindən biri olub;

Nintendo Switch 2, Blue Lock, Cookie Run Kingdom, Labubu kimi mövzular da trend siyahısına daxil edilib.

YouTube-un musiqi üzrə qlobal trend siyahısında 2025-in ən çox dinlənən və baxılan mahnısı “Die With a Smile” (Lady Gaga & Bruno Mars) olub.

İkinci yerdə isə “APT.” (ROSÉ & Bruno Mars) qərarlaşıb. Bu iki duet ilin ən böyük pop musiqi hadisələri kimi qiymətləndirilir.

Səsli kontentlərin artdığı 2025-ci ildə YouTube-un “Top Podcast” siyahısında The Joe Rogan Experience yenə birinci olub.

Dəniz