Yemək seçimi genetiktir yoxsa şımarıqlıq? – Alimlər brokolidən niyə qaçdığımızı açıqladı

Yeni elmi araşdırmalar göstərir ki, insanların müəyyən qidalardan uzaq durması təkcə zövq fərqi və ya şımarıqlıqla bağlı deyil. Mütəxəssislər bildirir ki, xüsusilə uşaqlarda “yemək seçiciliyi” genetik amillərlə sıx əlaqəlidir.

Alimlərin fikrincə, brokoli, kələm və oxşar tərəvəzlərdə olan kükürd tərkibli birləşmələr bəzi insanlarda daha güclü və xoşagəlməz dad hissi yaradır. Bu fərq isə genlərdəki xüsusi reseptorlarla bağlıdır. Bu reseptorların həssaslığı yüksək olan insanlar həmin tərəvəzlərin dadını daha kəskin və acı hiss edir.

Tədqiqatçılar bildirirlər ki, uşaqlarda bu həssaslıq daha çox olur, böyüdükcə isə dad reseptorları zəiflədiyi üçün “acı” təsir də azalır. Buna görə bir çox insan əvvəl xoşlamadığı qidaları illər sonra rahatlıqla yeyə bilir.

Mütəxəssislərin yekun fikri belədir: yemək seçimi tamamilə şımarıqlıq deyil — genetik meyllilik, dad reseptorlarının fərqli işləməsi və yaş faktorları bu məsələni formalaşdıran əsas səbəblərdir.

Altay