Viktor Yanukoviçə 15 illik həbs verildi

Ukraynanın keçmiş prezidenti Viktor Yanukoviç barədə çıxarılan 15 illik həbs hökmü qüvvəyə minib.

AZ24.az xəbər verir ki, bu barədə Ukrayna Baş Prokurorluğu məlumat yayıb.

Kiyev Apellyasiya Məhkəməsi müdafiə tərəfinin şikayətini rədd edərək Podolsk rayon məhkəməsinin 28 aprel 2025-ci il tarixli hökmünü təsdiqləyib. 2025-ci ilin aprel ayında Yanukoviç qiyabi olaraq şəxslərin qanunsuz sərhəd keçidini təşkil etmək və desertasiya üçün təhrik etmək kimi ittihamlarla 15 il azadlıqdan məhrum edilib.

Bu hökm Yanukoviçin əvvəllər 2019-cu ildə dövlətə xəyanət və Rusiya Federasiyasına yardım ittihamı ilə 13 il həbs cəzası aldığı məhkəmə qərarı ilə birlikdə onun hüquqi vəziyyətini daha da ağırlaşdırır.