Vanqanın 2026-cı il üçün DƏHŞƏTLİ PROQNOZLARI

Dünyaca məşhur bolqar kahin Vanga hər il olduğu kimi, 2026-cı il üçün də olduqca iddialı və bəzən qorxulu görünən proqnozlarla gündəmə gəlib. Onun dedikləri bəzən reallıqla üst-üstə düşdüyü üçün bir çox insan bu ilin necə keçəcəyini maraqla izləyir.

Az24.az xarici mətbuata istinadla Vanqanın 2026-cı ilə dair ən çox müzakirə olunan proqnozlarını təqdim edir:

Qlobal iqtisadi böhran ehtimalı

Vanqanın 2026-cı il üçün ən diqqətçəkən proqnozlarından biri “nağd pul böhranı” adlandırılan iqtisadi sarsıntıdır. Onun sözlərinə görə, həm fiziki, həm də rəqəmsal pul sistemində qarışıqlıq yarana, banklarda likvidlik azalaraq dünya iqtisadiyyatında böyük dalğalanmalara səbəb ola bilər. Bu, valyutaların dəyər itirməsi və qlobal recesiya riskini artıran əsas məqam kimi qiymətləndirilir.

Təbiət fəlakətlərinin artması

Vanqa 2026-cı ilin zəlzələlər, vulkan püskürmələri və ekstremal hava hadisələrinin çoxalacağı dövr olacağını da proqnozlaşdırıb. Dünyanın müxtəlif bölgələrində torpaq sürüşmələri, güclü fırtınalar və istilik dalğalarının intensivləşəcəyi iddia olunur. Bu proqnozlar qlobal iqlim dəyişiklikləri ilə bağlı narahatlıqları daha da gücləndirir.

Böyük müharibə riski

Vanqa bəzi çıxışlarında 2026-cı ildə böyük dövlətlər arasında hərbi gərginliyin pik həddə çatacağını bildirib. Onun fikrincə, Şərq və Qərb arasında yaranan siyasi qarşıdurmalar daha genişmiqyaslı münaqişəyə çevrilə bilər. Bu iddialar xüsusilə Rusiya, ABŞ, Çin və Yaxın Şərqdəki proseslərlə əlaqələndirilir.

Süni intellektin hakimiyyətə yaxınlaşması

Kahinə görə, 2026-cı il texnologiyanın, xüsusilə süni intellektin həyatımızda daha böyük rol oynayacağı bir dövr olacaq. O, insanların işlərini AI sistemlərinə itirməsi, texnologiyanın idarəedici gücə çevrilməsi və etik problemlərin artması kimi məqamları xüsusi vurğulayıb. Bu proqnoz, süni intellektin sürətlə inkişaf etdiyi bir dövrdə cəmiyyət arasında müzakirələr doğurmağa davam edir.

Yadplanetlilərlə ilk əlaqə iddiası

Vanqanın ən sensasion proqnozlarından biri də 2026-cı ilin noyabr ayında Yerə böyük bir kosmik gəminin yaxınlaşacağı və bunun yadplanetli həyatla ilk real kontakt ola biləcəyidir. Elm adamları bu iddianın real olmadığını desə də, bu fikir dünya mediasında geniş rezonans doğurub.

Sosial və etnik gərginliklərin artması

Proqnozlara görə, Avropa və ABŞ-da etnik və dini gərginliklər artır, cəmiyyətdə narazılıqlar və qarşıdurmalar müşahidə oluna bilər. Bəzi ölkələrdə sosial konfliktlərin alovlanması və xaos ehtimalı da qeyd edilir.