Ürək üçün ən təhlükəli içki – Rusiyalı mütəxəssislərdən xəbərdarlıq

Rusiyalı kardioloqlar və qidalanma üzrə mütəxəssislərin son araşdırması ürək üçün ən təhlükəli içkinin enerji içkiləri olduğunu ortaya çıxarıb. Elmi tədqiqatlar göstərir ki, yüksək kofein və şəkər tərkibli bu içkilər qısa müddətdə belə ürək ritminin pozulmasına və təzyiqin artmasına səbəb olur.

Mütəxəssislərin sözlərinə görə, enerji içkilərində adətən “qısa müddətdə güc və ayıqlıq” hissi yaradan kofein yüksək dozadadır. Bu isə ürək döyüntülərini sürətləndirir, ritm pozğunluğu yarada bilir. Bundan əlavə, yüksək şəkər tərkibi damarların gərginliyini artırır və qısa müddətdən sonra qan təzyiqinin qalxmasına səbəb olur.

Araşdırmada qeyd olunur ki, enerji içkilərindən ən çox istifadə edən qrup gənclər və tələbələrdir. Sürətli enerji ehtiyacı, gecə dərsləri və stress səbəbi ilə gənclər bu içkilərə tez-tez müraciət edirlər. Lakin risk də məhz burada artır — ürək-damar sistemi tam formalaşmamış gənclərdə bu içkilər ürəkdə ani spazm, ritm pozulması və təzyiqin sıçraması kimi problemlərə səbəb ola bilər.

Həkimlər bildirir ki, gündə 1 ədəd enerji içkisi belə ürəkdə yük yaradır və mütəmadi qəbul olunduqda nəticəsi daha ağır ola bilər.

Altay