Ukrayna vəziyyəti dəyişir – ATACMS raketləri ilə Rusiyaya zərbə endirdilər

Ukrayna Silahlı Qüvvələrinin Baş Qərargahı ABŞ şirkəti “Lockheed Martin Corporation” tərəfindən istehsal edilən ATACMS taktiki raket sistemlərinin birbaşa Rusiya ərazisinə qarşı zərbə endirilməsində istifadə olunduğunu açıqlayıb.

AZ24.az-ın məlumatına görə, Baş Qərargah bu barədə teleqram kanalında bildirib.

“Ukrayna Silahlı Qüvvələri Rusiyadakı hərbi hədəflərə dəqiq zərbə endirmək üçün ATACMS taktiki raket sistemlərindən uğurla istifadə edib. Bu, Ukraynanın suverenliyinə sarsılmaz sadiqliyini vurğulayan əlamətdar hadisədir”, – açıqlamada qeyd olunur.

Baş Qərargah əlavə edib ki, uzaq mənzilli silahların, xüsusən də ATACMS sistemlərinin istifadəsi davam edəcək.

***

Ukrayna ordusu ABŞ istehsalı olan ATACMS taktiki raket sistemlərindən istifadə edərək Rusiyanın nəzarətində olan ərazidə bir neçə hərbi hədəfi vurub.

AZ24.az xəbər verir ki, bu barədə “Reuters” agentliyi məlumat yayıb.

Agentlik bildirir ki, hücumun dəqiq yeri açıqlanmır, lakin zərbələrin yüksək dəqiqlikli sursatlarla həyata keçirildiyi qeyd olunur. Bu əməliyyat Ukraynanın uzaqmənzilli hücum imkanlarını genişləndirir və bölgədə hərbi balansın dəyişə biləcəyi ehtimalını artırır.