Turşu yemək faydalıdırmı?

Turşu təkcə yeməklərin dadını artırmaq üçün deyil, həm də sağlamlıq üçün çox faydalıdır. Xüsusilə tərəvəzlərdən hazırlanmış təbii turşuların tərkibində orqanizm üçün zəruri vitaminlər və minerallar var.

Turşu probiotiklərlə zəngindir. Bu, bağırsaqdakı faydalı bakteriyaların artmasına kömək edir və həzm sistemini yaxşılaşdırır. Müntəzəm turşu istehlakı qəbizlik və digər həzm problemlərinin qarşısını almağa kömək edir.

Turşunun tərkibində C vitamini və digər antioksidantlar var ki, bunlar immun sistemini gücləndirir. Xüsusilə qış aylarında turşu yemək, soyuqdəymə və infeksiyalara qarşı müqaviməti artırır.

Turşuda olan vitamin və minerallar dərinin elastikliyini artırır və saçları gücləndirir. Eyni zamanda turşu dərinin sağlam qalmasına və bəzi dəri xəstəliklərinin qarşısının alınmasına dəstək verir.

Araşdırmalar göstərir ki, turşunun tərkibindəki fermentlər xolesterolu balansda saxlamağa kömək edir və ürək-damar xəstəlikləri riskini azaldır.

Sağlam həyat üçün tərəvəz turşularını gündəlik qidalanmaya əlavə etmək faydalıdır. Lakin çox duzlu turşulardan həddən artıq istifadə etməmək tövsiyə olunur.

Altay