Türkiyədə mərc qalmaqalı: 149 hakim futboldan kənarlaşdırıldı

Türkiyədə 149 hakimə futbol fəaliyyətindən uzaqlaşdırma cəzası verilib.

“AZ24” xəbər verir ki, Türkiyə Futbol Federasiyasının apardığı araşdırmalar nəticəsində həmin hakimlərin mərc fəaliyyəti və intizam pozuntularında adı keçdiyi müəyyən edilib.

Rəsmi açıqlamaya əsasən, cəzalar 8–12 ay arasında dəyişir və qərar Türkiyə futbolunda son illərin ən genişmiqyaslı intizam tədbirlərindən biri hesab olunur.

Federasiya məsələ ilə bağlı araşdırmaların davam etdiyini və digər adlarla bağlı proseslərin də nəzərdən keçirildiyini bildirib.