“Trabzonspor” “Fənərbağça”nı qabaqladı – 2-ci sıraya yerləşdi

Trendyol Super Liqasının 15-ci turunda “Trabzonspor” səfərdə “Göztəpə”ni 2:1 hesabı ilə məğlub edərək turnir cədvəlində ikinci pilləyə yüksəlib.

AZ24.az xəbər verir ki, “Bordo-mavililərə” qələbə qazandıran hər iki qolun müəllifi Ernest Muçi olub. Albaniyalı futbolçu 46-cı və 76-cı dəqiqələrdə dəqiq zərbələri ilə komandasına vacib 3 xal qazandırıb.

“Göztəpə”nin təsəlli qolunu isə 85-ci dəqiqədə Dennis vurub. Gərgin keçən qarşılaşmada hər iki komanda matçı 10 nəfərlə başa vurub.

Bu nəticə ilə “Trabzonspor” xallarının sayını 34-ə çatdırıb və 33 xala sahib “Fənərbağça”nı keçərək liqada 2-ci sıraya yüksəlib.