Təyyarə qəzasında həlak olan hərbçilərin nəşi Gürcüstandan Türkiyəyə gətirilib

Türkiyənin “C-130” tipli hərbi nəqliyyat təyyarəsinin Azərbaycan-Gürcüstan sərhədi yaxınlığında qəzaya uğraması nəticəsində həlak olan 20 hərbçinin nəşini daşıyan təyyarə Türkiyəyə enib.

AZ24.az xəbər verir ki, bu barədə “A Haber” telekanalı məlumat yayıb.

Bildirilib ki, Tbilisidən havaya qalxan təyyarə Ankara hava limanına çatıb. Məlumata görə, həlak olan hərbçilərin nəşləri təşkil olunacaq mərasimdən sonra ailələrinə təhvil veriləcək.