Tanınmış televiziya aparıcısı HƏBS EDİLDİ

Türkiyədə narkotiklərlə mübarizə çərçivəsində aparılan araşdırma zamanı televiziya aparıcısı Ela Rümeysa Cebeci saxlanılıb.

AZ24.az-ın Türkiyə mətbuatına istinadən yaydığı məlumata görə, narkoloji testdən keçirilən Cebecinin analiz nəticəsi müsbət çıxıb. Bundan sonra onun məhkəmədə ifadəsi alınıb və aparıcı “narkotik maddə istifadəsini təşviq etmə” maddəsi ilə həbs edilib.

Ela Rümeysa Cebeci testin səhv olduğunu bildirərək, indiyədək heç vaxt narkotik maddə istifadə etmədiyini deyib.

Qeyd edək ki, aparıcının THC (tetrahidrokannabinol) maddəsini qəbul etdiyini videoya çəkərək məşhur komediya ustası Cem Yılmaza göndərdiyi iddia olunur.