Tanınmış fotoqraf intihar etdi, meyiti tapıldı

Bakıda 39 yaşlı fotoqraf dənizdə boğularaq ölüb.

Az24.az qafqazinfoya istinadla xəbər verir ki, əslən Cəbrayıl rayonundan olan 1986-cı il təvəllüdlü Eltac Rasim oğlu Zeynalovun meyiti dekabrın 6-da Dənizkənarı Milli Parkın sahilində sudan çıxarılıb.

Onun hansı şəraitdə dənizə düşərək boğulması araşdırılır.

Kulis.az-ın yaydığı məlumata görə, fotoqrafın yaxınları onun intihar etdiyini bildirib.

Faktla bağlı Səbail Rayon Prokurorluğunda araşdırma aparılır.

Qeyd edək ki, Eltac Zeynalov fotoqrafdır. O, həm də bir sıra sosial layihələrdə könüllü kimi iştirak edirdi.