Sülh Kiyev və Brüsseldən aslıdır – Putin

Rusiya Prezidenti Vladimir Putin Ukrayna ilə sülh danışıqlarına hazır olduqlarını bildirib və sülh üçün məsuliyyətin artıq Kiyev və Brüssel tərəfinin üzərində olduğunu deyib.

AZ24.az xəbər verir ki, Putin bu açıqlamaları Moskvada keçirilən ənənəvi ilin sonu mətbuat konfransında verib.

O, jurnalistlərin suallarını cavablandırarkən Moskvanın dialoqa açıq olduğunu, ABŞ Prezidenti Donald Trampın müharibəni bitirmək üçün ciddi səylər göstərdiyini qeyd edib.

Putin münaqişəni dinc yollarla sona çatdırmağa hazır olduqlarını, lakin bunun əvvəlcədən elan olunmuş prinsiplər və böhranın əsas səbəbləri nəzərə alınmaqla baş tutmalı olduğunu bildirib. O, Ukraynada mümkün seçkilər zamanı təhlükəsizliyə zəmanət verməyi də istisna etməyib.

NATO ilə bağlı açıqlamasında isə Putin, Rusiyanın Avropaya hücum edəcəyi iddialarını əsassız adlandırıb və Avropanın dondurulmuş Rusiya aktivlərindən istifadə cəhdlərinin qlobal maliyyə etimadına zərər vuracağını bildirib.