Soyuq havada bir qəpik xərcləmədən evinizi belə isidin

Havalarnın soyuması ilə bir çox evdə əsas sual budur: kombi və radiatoru necə daha tez isidək və qaz sərfiyyatını necə azaldaq?

Az24.az xəbər verir ki, aşağıdakı üsullar həm isitməni sürətləndirir, həm də aylıq ödənişi xeyli aşağı sala bilər:

Radiatorların havasını alın

Radiatorun içində hava qalanda su dövriyyəsi zəifləyir və otaq gec isinər. 10–15 saniyəyə xüsusi açarla havanı çıxarmaq kifayətdir. Bu, isinməni 30%-ə qədər sürətləndirə bilər.

Radiatorun arxasına istilik əks etdirici folqa qoyun

Divar vasitəsilə istiliyin bir hissəsi çölə gedir. Folqa istiliyi geri otağa qaytarır. Təxminən 10% daha az qaz sərf olunur.

Kombinin temperaturunu “orta rejimə” gətirin

Kombi 50–60°C aralığında olanda həm daha stabil, həm daha qənaətcil işləyir. Çox yüksək temperatur qaz sərfiyyatını artırır, aşağı temperatur isə evi gec isidir.

Radiatorları mebellə bağlamayın

Radiatorun qarşısında divan, pərdə, stol olanda hava dövriyyəsi zəifləyir. Mebel ən azı 20–30 sm aralıda olsun.

Kombinin təzyiqi düzgün olsun

Təzyiq 1–1.5 bar olmalıdır. Çox aşağı və ya çox yüksək təzyiq həm qaz sərfini artırır, həm də kombini tez sıradan çıxara bilər.

Pəncərə və qapı izolyasiyasını gücləndirin

Soyuq hava otağa daxil olduqda kombi daha çox işləyir. Silikon lent, altlıq və ya izolyasiya yapışqanları ilə xeyli qənaət etmək mümkündür.

Otaqları boş yerə isitməkdən çəkinin

İstifadə olunmayan otaqların radiatorunu bağlamaq kombinin yükünü azaldır. Gecələr temperaturu bir az aşağı salın

Yatarkən kombini tam söndürmək olmaz, amma 2-3 dərəcə aşağı salmaq qaz sərfini xeyli azaldır.