Şəhid olacam, sən də Vətən sağ olsun deyəcəksən – Qəzada ölən hərbçinin atası – FOTO

Gürcüstan–Azərbaycan sərhədində qəzaya uğrayan hərbi yük təyyarəsində şəhid olan 27 yaşlı hərbçi Berkay Karacanın atası Nedim Karaca açıqlama verib.

Az24.az Türkiyə mediasına istinadla xəbər verir ki, o, qəzadan bir gün əvvəl oğlu ilə telefonda danışıb:

“Zarafatla dedi ki,  ata, sən çayı sevirsən deyə sənə çay aldım. Bir qrup getdi, biz də sonra gələcəyik dedi. Amma uşağım gələ bilmədi.”

Özünün də ordu veteranı olduğunu bildirən ata oğlunun ona baxaraq hərbçi ooluğunu bilirb:

“Oğlum peşəsini çox sevirdi. 8 ildir xidmət edirdi. Bu il təyinat alacaqdı. “Dönəcəyəm, ata, təyinat istəyəcəyəm, sənə yaxın gələcəyəm” deyirdi. Amma gələ bilmədi oğlum. Oğlumun toyunu yox, yasını edirəm. Anasına demişdi ki, ana, mən şəhid olacağam, sən də “Vətən sağ olsun” deyəcəksən, mətin olacaqsan, dik duracaqsan. Vətən sağ olsun.”

Xatırladaq ki, noyabrın 11-də Azərbaycan-Gürcüstan sərhədində Türkiyə Silahlı Qüvvələrinə məxsus “C-130” tipli təyyarənin qəzaya uğraması nəticəsində 20 hərbçi həlak olub.

Dəniz