Rusiya və Ukrayna razılığa gəldi: Əsirlər azad ediləcək

Ukrayna ilə Rusiya arasında aparılan son danışıqlar nəticəsində iki ölkə İstanbul razılaşmalarının yenidən işə salınması və 1 200 ukraynalı əsirin azad edilməsi istiqamətində razılıq əldə edib.

Az24.az xəbər verir ki, məlumatı Ukraynanın Milli Təhlükəsizlik və Müdafiə Şurasının katibi Rüstəm Umerov “Telegram” hesabında paylaşıb.

Onun sözlərinə görə, Prezidentin tapşırığına əsasən, Türkiyə və Birləşmiş Ərəb Əmirliklərinin vasitəçiliyi ilə əsir mübadiləsinin bərpası üçün intensiv görüşlər keçirilib.

Umerov qeyd edib ki, yaxın günlərdə texniki səviyyədə əlavə müzakirələr aparılacaq və bütün prosedur detalları razılaşdırılacaq.

“Əsas məqsədimiz – əsirlikdə olan ukraynalıların Yeni İl və Milad bayramlarını ailələrinin yanında keçirməsinə nail olmaqdır. Bunun üçün dayanmadan çalışırıq”, – deyə o bildirib.