Rəqsanə ev dustağı olduğu halda efirə necə çıxıb? – AÇIQLAMA

Bir müddət əvvəl ev dustaqlığına buraxılan müğənni Rəqsanə İsmayılovanın canlı yayımda görünməsi sosial şəbəkələrdə geniş müzakirələrə səbəb olub.

AZ24.az xəbər verir ki, ifaçı “Tarixin bir günü” proqramında yayılan suallara münasibət bildirərək ev dustaqlığı ilə bağlı tətbiq olunan qaydalardan danışıb.

Rəqsanə açıqlamasında deyib:

“Mənə qoyulan qaydaların saatı, dəqiqəsi var. Toylara gedə biləcəyəm, amma müəyyən edilmiş vaxt çərçivəsində”.

Qeyd edək ki, müğənni bu ilin avqust ayında dələduzluq ittihamı ilə həbs olunmuşdu. Noyabrın 19-da isə onun barəsindəki həbs qətimkan tədbiri ev dustaqlığı ilə əvəz edilib. (milli.az)