Rayonlarda hotellərin “Yeni il” qiymətləri – SİYAHI

Yeni ilin gəlişinə cəmi bir aydan bir qədər çox vaxt qalması turizm sektorunda hərəkətliliyi artırıb.

Ölkədən kənara səyahət edənlər olsa da, əksər vətəndaşlar bayramı Azərbaycanın regionlarında yerləşən hotellərdə qeyd etməyi planlaşdırır. Bunun fonunda istirahət mərkəzləri Yeni il paketlərini açıqlamağa başlayıb.

Az24.az xəbər verir ki, Kredit.az-ın apardığı kiçik araşdırma göstərib ki, ötən illə müqayisədə qiymətlərdə müəyyən artım müşahidə olunur. Təklif edilən Yeni il paketləri 31 dekabr 2025 – 2 yanvar 2026 tarixlərini, yəni 2 gecə, 3 günlük istirahəti əhatə edir. Paketlər 2 nəfərlik nəzərdə tutulub və onların tərkibinə oteldə yerləşmə, qidalanma, hovuz, sauna və hamam xidmətləri, canlı musiqi və müxtəlif əyləncə proqramları kimi xidmətlər daxildir.

Həmin araşdırmanı təqdim edirik:

Shamaxi Palace Sharadil – 1980 manatdan başlayır

Shabran Wellbeing Resort – 1650 manatdan başlayır

Basqal Resort & Spa – 1660 manatdan başlayır

Qafqaz Riverside Hotel – 1595 manatdan başlayır

Lankaran Spring Wellness Resort – 1500 manatdan başlayır

Marxal Resort & Spa – 1420 manatdan başlayır

Qəbələ Karvansaray Hotel – 1390 manatdan başlayır

Laçın Resort SPA – 1240 manatdan başlayır

Shusha Hotel – 950 manatdan başlayır

Yeni ilə sayılı günlər qaldığını nəzərə alsaq, hotellərin doluluq səviyyəsinin yaxın günlərdə daha da artacağı gözlənilir. Bu səbəbdən hazırda müxtəlif endirimlər təklif edən hotellərdə yerləri öncədən rezervasiya etmək daha məqsədəuyğun olardı.