Qış menyusunun trendi: Göbələkli krema sousu – Sadə və ləzzətli resept

Son günlər kulinariya bloqları və sosial şəbəkələrdə ən çox paylaşılan reseptlərdən biri göbələkli krema sousudur.

Hazırlanması asan, dadı isə restorandakı qədər zəngin olan bu sous həm makaron, həm toyuq filesi, həm də tərəvəz yeməkləri ilə mükəmməl uyum yaradır. Aşağıdakı məlumatlar sayəsində bu məşhur sousu ev şəraitində qısa zamanda hazırlaya bilərsiniz.

Lazım olan inqrediyentlər:

300 qram təzə şampinyon göbələyi

1 ədəd kiçik soğan (xırda doğranmış)

2 diş sarımsaq

1 xörək qaşığı kərə yağı

1 xörək qaşığı zeytun yağı

200 ml 20%-lik qaymaq (krema)

1 çay qaşığı duz

½ çay qaşığı qara istiot

Bir çimdik muskat

İstəyə görə rozmarin və ya cəfəri

Hazırlanma qaydası:

Göbələkləri yuyub nazik dilimlərə bölün.

Tavanı qızdıraraq kərə yağı və zeytun yağını əlavə edin.

Doğranmış soğanı yağda yüngül qızılı rəng alana qədər qovurun.

Ardınca sarımsağı əlavə edin və iyi dağılana qədər qısa müddət qovurun.

Göbələkləri tavaya əlavə edib orta dərəcədə suyu çəkilənə qədər bişirin.

Qaymağı tavaya tökərək sous yüngül qatılaşana qədər qarışdırın.

Duz, istiot və muskatı əlavə edin. İstəsəniz, bir az rozmarin də istifadə edə bilərsiniz.

Sous 2–3 dəqiqə qaynadıqdan sonra hazırdır.

Kiçik məsləhətlər:

Makaronla qarışdırdıqda ləzzəti daha da artır.

Toyuq filesinin üzərinə töküləndə restoran səviyyəsində dad verir.

İsti kartof və qızardılmış tərəvəzlərlə də əla uyğunlaşır.

Üzərinə təzə cəfəri səpmək sousa həm rəng, həm də ətir qatır.