“Qarabağ”ın “Ayaks” oyununun kanalı dəyişdirildi – Burada yayımlanacaq

“Qarabağ” – “Ayaks” oyunu İctimai Televiziyada yayımlanacaq.

AZ24.az xəbər verir ki, bu barədə İTV məlumat yayıb.

Bildirilib ki, “Saran Media” ilə imzalanmış razılaşma çərçivəsində 2025/26 mövsümündə UEFA Çempionlar Liqası, Avropa Liqası və Konfrans Liqasının matçları İctimai Televiziyada təqdim olunur. “Qarabağ”ın Çempionlar Liqasının əsas mərhələsindəki bütün görüşləri də bu əməkdaşlıq əsasında İTV-də yayımlanır.

Son günlər aparılan müzakirələrdən sonra yayım planında müəyyən dəyişikliklər edilməsi qərara alınıb və tərəflərin birgə təşəbbüsü ilə “Qarabağ” – “Ayaks” oyununun İTV-də canlı göstərilməsi təsdiqlənib.

Qarşılaşma dekabrın 10-da saat 21:45-də start götürəcək.

Qeyd edək ki, “Qarabağ”ın ev oyunları indiyədək “CBC Sport” tərəfindən yayımlanırdı.