Plan Rusiya və Ukraynanın iştirakı ilə hazırlanıb

ABŞ-ın Ukrayna böhranının həlli üçün təklif etdiyi planla bağlı yeni açıqlama Dövlət Departamentindən gəlib.

Az24.az xəbər verir ki, departamentin mətbuat xidməti rəhbərinin müavini Tommi Piqott X platformasında məsələ ilə bağlı yayılan məlumatlara münasibət bildirib.

O, PBS jurnalistinin ABŞ Senatının üzvü Mayk Raundsdan (Cənubi Dakotadan Respublikaçı) sitat gətirdiyi xəbərə münasibət bildirib (Senator bildirib ki, plan əsasən ABŞ nümayəndələrinə hazır şəkildə təqdim edilib və Rusiyanın “arzu siyahısı”nı təşkil edir- red.): “Bu, açıq-aşkar yalandır. Plan ABŞ tərəfindən həm Rusiya, həm də Ukraynanın iştirakı ilə hazırlanıb. Dövlət Katibi Marko Rubionun və bütün administrasiyanın ardıcıl mövqeyi olub”.