Öskürək və boğaz ağrısını 10 dəqiqəyə yüngülləşdirir – Möcüzəvi QARIŞIM

Soyuqdəymə və mövsümi dəyişikliklər tez-tez boğaz ağrısı və quru öskürəyə səbəb olur. Mütəxəssislər bildirirlər ki, ev şəraitində asanlıqla hazırlanan bəzi təbii içkilər boğazı yumşaltmağa və öskürəyi yüngülləşdirməyə kömək edə bilər. 

Ballı-limonlu ilıq qarışım

Tərkibi:

1 stəkan ilıq su (qaynar olmamalıdır)

1 xörək qaşığı bal

Yarım limonun suyu

(İstəyə bağlı) 1 çimdik zəncəfil tozu və ya təzə rəndələnmiş zəncəfil

Hazırlanma qaydası:

Suyu qaynadın və bir qədər soyumasını gözləyin (balın faydalarının itməməsi üçün su çox isti olmamalıdır).

İlıq suya bal və limon suyunu əlavə edib yaxşıca qarışdırın.

İstəsəniz, təsirini artırmaq üçün az miqdarda zəncəfil də əlavə edə bilərsiniz.

Bu qarışım boğazı yumşaldır, qıcıqlanmanı azaldır və öskürəyin yüngülləşməsinə kömək edə bilər. Xüsusilə bal boğaz səthini örtərək qıcıqlanmanı azaldır, limon isə C vitamini və antioksidant dəstəyi verir.

Alternativ: Adaçayı və ya cökə çayı

Adaçayı və ya çökə kimi bitki çaylarını dəmləyib içinə bir az bal əlavə edə bilərsiniz.
İlıq halda yavaş-yavaş içilməsi boğazdakı narahatlığı azaltmağa kömək edə bilər.

Dəniz