Oktay Kaynarca da saxlanıldı

İstanbul Cumhuriyyət Baş Prokurorluğu tərəfindən aparılan narkotik istintaqı çərçivəsində tanınmış aktyor Oktay Kaynarca və müğənni Emel Müftüoğlu da daxil olmaqla 6 şübhəli saxlanılıb.

Az24.az xəbər verir ki, sənətçi İstanbul Şəhər Prokurorluğunun Qaçaqmalçılıq, Narkotik və İqtisadi Cinayətlər üzrə İstintaq Bürosunun keçirdiyi əməliyyat çərçivəsində tutulub.

O.Kaynarca ilə yanaşı, müğənni Emel Müftüoğlu, Neda Şahin, Ali Sert, Rabia Karataş və Selen Çetinkaya da saxlanılıb.

Prokurorluğun yaydığı açıqlamaya görə, şübhəlilərin narkotik maddələrin istifadəsi və istifadənin asanlaşdırılması, eləcə də digər bir sıra cinayət əməllərində iştirak ehtimalı araşdırılır. Bildirilib ki, istintaq prosesi davam edir və araşdırma hərtərəfli aparılır.

Hadisə Türkiyə mediasında və ictimaiyyətdə geniş rezonans doğurub.

Dəniz