Neymar Arda Gülər haqqında danışdı: “Dünyanın ən yaxşı yarımmüdafiəçisidir”

Braziliyalı ulduz futbolçu Neymar “Real Madrid”in və Türkiyə millisinin üzvü Arda Gülər barədə yüksək fikirlər səsləndirib.

AZ24.az xəbər verir ki, hazırda karyerasını “Santos” klubunda davam etdirən Neymar, qonaq olduğu “YouTube” proqramında Arda Gülər haqqında danışaraq onun oyununu bəyəndiyini bildirib.

33 yaşlı ulduz futbolçu gənc yarımmüdafiəçini yüksək qiymətləndirərək, “Arda Gülər möhtəşəm oyunçudur, böyük keyfiyyətə malikdir. Məncə, o, hazırda dünyanın ən yaxşı yarımmüdafiəçisidir”, – deyə qeyd edib.