“Neftçi” yeni baş məşqçisini tapdı – Müqavilənin detalları

“Krivbas”ın sabiq çalışdırıcısı Yuri Vernidub “Neftçi”nin yeni baş məşqçisi olacaq.

AZ24.az xəbər verir ki, bu barədə “TaToTake” məlumat yayıb.

Mənbənin məlumatına görə, 59 yaşlı mütəxəssisin “Neftçi” ilə müqaviləsi 1,5 illik olacaq. Bakıda Verniduba Vitali Vernidub, Dmitri Kara-Mustafa, Valeri Mixaylenko və İqor Fokin kömək edəcək.

Mənbə əlavə edir ki, bu gün, dekabrın 8-də Vernidub artıq Bakıya gəlib və yeni klubunun “Sabah”la planlaşdırılan oyununda iştirak edəcək.

Vernidub əvvəllər Bolqarıstanın “Ludoqorets” və Macarıstanın adı açıqlanmayan klubunu idarə etməkdən imtina edib. (publika)