Mərc qalmaqalı böyüyür: Məşhur hakimlər də nizam-intizam komitəsinə göndərildi

Türkiyə Futbol Federasiyası (TFF) mərc araşdırması çərçivəsində 9 hakim və 42 nümayəndəni intizam tədbiri üçün Peşəkar Futbol Nizam-İntizam Komitəsinə (PFDK) göndərib.

AZ24.az xəbər verir ki, bu barədə Türkiyə mətbuatı məlumat yayıb.

Araşdırmaya görə, göndərilən şəxslər arasında Türkiyə Süper Liqa hakimi Ali Palabıyık da var. TFF-nin açıqlamasına əsasən, mərc oyunları ilə bağlı tədbir görülənlər arasında 11 yüksək səviyyəli, 21 səviyyə hakimi, 2 yeni səviyyə hakimi və 8 federasiya təhlükəsizlik və akkreditasiya nümayəndəsi yer alır.

Qurum tərəfindən bildirilir ki, bu addım qanun pozuntularının müəyyən edilməsi və müvafiq intizam tədbirlərinin tətbiqi məqsədi daşıyır.