Mərakeşdə iki bina uçdu – 19 ölü, 16 yaralı

Mərakeşin Fəs şəhərində iki dördmərtəbəli yaşayış binasının qəfil çökməsi faciəyə səbəb olub.

Az24.az xəbər verir ki, hadisə nəticəsində 19 nəfər həlak olub, 16 nəfər isə yaralanıb. Çökən binalarda ümumilikdə səkkiz ailə yaşayırmış.

Hadisə gecə saatlarında şəhərin Al-Massira rayonunda qeydə alınıb. Əraziyə dərhal xilasedicilər cəlb olunub və dağıntılar altında qalanların axtarışı davam etdirilib. Yaralılar Fəs Universitet Xəstəxanasına yerləşdirilib.

İlkin ehtimallara görə, binalardan birində qanunsuz tikinti işləri aparıldığı, icazədə göstəriləndən artıq mərtəbə tikildiyi bildirilir. Çöküşün dəqiq səbəbi araşdırılır.

Fəs şəhər rəsmiləri hadisə ilə bağlı genişmiqyaslı istintaqın başladığını açıqlayıb.

Dəniz