Maşında akkumulyator niyə ölür və çıxış yolu nədir?

Maşına minirsiniz, açarı çevirirsiniz, amma mühərrik işə düşmür. Paneldəki işıqlar ya ümumiyyətlə yanmır, ya da zəif işıq saçır. Bu vəziyyət xüsusilə tələsdiyiniz anda baş verəndə adamı çarəsiz qoyur. Əksər hallarda problemin səbəbi akkumulyatorun boşalması və ya sıradan çıxması olur. Belə hallarda nə etmək lazım olduğunu bilmək həm vaxtınıza, həm də pulunuza qənaət edə bilər.

Aşağıda akkumulyatorun ölməsi zamanı atılmalı olan düzgün addımları və diqqət edilməli məqamları təqdim edirik.

Akkumulyatorun öldüyünü göstərən əsas əlamətlər

– Maşın ümumiyyətlə işə düşmür
– Starter zəif fırlanır və ya yalnız “çıt” səsi gəlir
– İşıqlar sönük yanır və ya tez-tez sönür
– Radio, pəncərə qaldıranlar və digər elektrik sistemləri işləmir

Akkumulyator ölübsə nə etmək lazımdır?

Başqa avtomobildən enerji vermək (prikurivat)
Bu ən geniş yayılmış və sürətli üsuldur. Xüsusi kabellərlə sağlam akkumulyatoru olan maşından enerji ötürülür. Kabellər düzgün ardıcıllıqla qoşulmalıdır: əvvəl müsbət qütblər, sonra mənfi qütblər. Enerji verildikdən sonra maşın işə salınır.

Akkumulyatoru doldurmaq
Əgər evdə və ya yaxınlıqda şarj cihazı varsa, akkumulyatoru çıxarıb tam doldurmaq mümkündür. Bu üsul xüsusilə akkumulyator tam sıradan çıxmayıbsa effektivdir.

İtələmə ilə işə salmaq (yalnız mexaniki sürətlər qutusu üçün)
Mexaniki sürət qutusu olan maşınlarda ikinci sürətə salaraq itələməklə mühərriki işə salmaq olar. Avtomat ötürücülü maşınlarda bu üsul qətiyyən tövsiyə edilmir.

Akkumulyatoru dəyişmək
Akkumulyator köhnədirsə və tez-tez boşalırsa, onu təmir etməyə çalışmaq mənasızdır. Yeni akkumulyator almaq daha təhlükəsiz və uzunömürlü həll yoludur.

Nələrdən uzaq durmaq lazımdır?

– Kabelləri səhv qoşmaq (elektron sistemlər sıradan çıxa bilər)
– Uzun müddət boş akkumulyatorla starteri zorla fırlatmaq
– Avtomat sürətlər qutulu maşını itələməklə işə salmağa çalışmaq

Akkumulyatorun tez ölməsinin əsas səbəbləri

– Maşının uzun müddət istifadə edilməməsi
– Faraların və ya salon işıqlarının sönülü unudulması
– Soyuq hava şəraiti
– Generatorun nasazlığı
– Akkumulyatorun istismar müddətinin bitməsi

Gələcəkdə bu problemin qarşısını almaq üçün

– Maşını mütəmadi işə salın və qısa məsafələrlə kifayətlənməyin
– Qış aylarında akkumulyatoru tez-tez yoxlayın
– Lazımsız elektrik avadanlıqlarını söndürün
– Akkumulyatorun vəziyyətini vaxtaşırı ustaya yoxlatdırın

Dəniz