Maşın çox yandırırmasının əsas səbəbləri – Sürücülərin NƏZƏRİNƏ!

Avtomobilin normadan artıq yanacaq sərf etməsi həm cibə, həm də avtomobilin texniki vəziyyətinə təsir edən ciddi məsələdir. Sürücülər çox zaman bunun səbəbini tapmaqda çətinlik çəkirlər. Çox yandırma problemi bəzən sadə bir detallardan qaynaqlanır, bəzən də ciddi nasazlığın xəbərçisi olur. Gəlin, bu problemin ən geniş yayılmış səbəblərinə baxaq.

Avtomobilin təkərlərində hava təzyiqi normadan aşağıdırsa, mühərrik daha artıq güc sərf etməyə məcbur qalır. Bu, yanacaq sərfiyyatını xeyli artıran amillərdən biridir. Hər ay təkərlərin təzyiqini yoxlamaq, həm təhlükəsizliyə, həm də qənaətli sürüşə kömək edir.

Hava filtrinin çirklənməsi də mühərrikə daxil olan hava axınını zəiflədir. Hava-hava qarışığının tarazlığı pozulduqda mühərrik yanacağı lazımsız şəkildə artırır. Filtr uzun müddət dəyişdirilmirsə, bu, yanacaq sərfiyyatına birbaşa təsir edir.

Yandırma şamları (sveçalar) köhnəldikdə yanma prosesi pozulur və mühərrik “ağır” işləməyə başlayır. Bu, həm güc itkisinə səbəb olur, həm də daha çox yanacaq sərf edilməsinə gətirib çıxarır. Şamların vaxtaşırı yoxlanması sonradan yaranacaq daha ciddi problemlərin qarşısını alır.

Yanacaq nasosu və injektor sistemində çirklənmə və ya zəifləmə baş verərsə, yanma tam həyata keçmir. Nəticədə, mühərrik daha çox yanacaq sərf edir. Xüsusilə keyfiyyətsiz yanacaq doldurulduqda injektorlar tez tıxanır və maşın çox yandırmağa başlayır.

Oksigen sensorunun (lambda zond) nasazlığı da yanacaq sərfiyyatına birbaşa təsir edən amildir. Bu sensor yanacaq-hava qarışığını tənzimləyir. Sensor səhv məlumat göndərirsə, avtomobil normadan artıq benzin və ya dizel sərf edir. Əksər hallarda «Check Engine» işığının yanmasının səbəbi də budur.

Katalizator tıxanıbsa və ya köhnəlibsə, mühərrik çıxış qazlarını çətinliklə atır. Bu, mühərrikin daha çox yanacaq işlətməsinə səbəb olur. Eyni zamanda maşında səs çoxalır, güc azalır və sürüş çətinləşir.

Kondisionerin uzun müddət və maksimum rejimdə işləməsi də mühərrikdən əlavə güc tələb edir. Xüsusilə şəhər içi yavaş hərəkətdə klima yanacaq sərfini nəzərəçarpacaq dərəcədə artırır.

Sürüş tərzi də yanacaq sərfiyyatına böyük təsir edir. Tez-tez qazlama, qəfil əyləc, yüksək sürət və aşağı ötürmədə uzun müddət hərəkət mühərriki yükləyir və sərfiyyatı yüksəldir. Sakit və ritmik sürüş isə həm qənaət edir, həm də mühərriki qoruyur.

Keyfiyyətsiz yanacaq həm yanma prosesini zəiflədir, həm də mühərrik hissələrinin çirklənməsinə səbəb olur. Bu, həm sərfiyyatı artırır, həm də uzunmüddətli ciddi problemlər yaradır.

Motor yağı vaxtında dəyişdirilmədikdə qalınlaşır və mühərrikin işini ağırlaşdırır. Bu, yanacaq sərfiyyatında fərqi hiss ediləcək dərəcədə artırır. Yağ dəyişim intervalına əməl etmək həm mühərrikin ömrünü uzadır, həm də sərfiyyatı optimallaşdırır.

Nəticə olaraq, maşının çox yandırması problemində həm sadə, həm də mürəkkəb səbəblər rol oynaya bilər. Vaxtında texniki baxım, düzgün yanacaq seçimi və sürüş vərdişləri bu problemin qarşısını almaqda mühüm rol oynayır. Kiçik nasazlıqlara vaxtında müdaxilə həm xərcinizi, həm də vaxtınızı qənaət edir.

Altay