“Kızılcık şerbeti”ndə yeni QALMAQAL – “Fatih” serialdan ayrılır?

Son dövrlərdə baş verən qalmaqallarla gündəmə gələn “Kızılcık Şerbeti” serialının əsas heyətindəki ayrılıqlardan sonra vəziyyət hələ də sakitləşmir.

Az24.az xəbər verir ki, dördüncü mövsümü davam edən serialda bu dəfə “Fatih” obrazını canlandıran aktyor Doğukan Güngör “Kızılcık Şerbeti” serialında yenilənmiş titr sıralamasından narazı qalıb.

Yeni sezonda heyətə qoşulan aktrisa Seray Kayanın adının titrdə onun önündə yazılması aktyorun ciddi etirazına səbəb olub.

Məsələ bundan sonra daha da böyüyüb. Xəbərlərə görə, Doğukan Güngör sıralamanın dəyişdirilməsinə qarşı çıxdığı üçün serialın rəsmi sosial media hesabını təqibdən çıxarıb. Bu addım isə ekran arxasında gərginlik yaşandığı barədə iddiaları artırıb.

Aktyorun davranışı komanda daxilində narazılıq yaradıb. Hətta bəzi mənbələr Doğukan Güngörün serialdan ayrılacağı barədə iddiaların gündəmə gəldiyini bildirir.

Serial tərəfi isə hələlik məsələ ilə bağlı rəsmi açıqlama verməyib.