Kənan Yıldız gələcəyini “Yuventus”la bağlayır

İdman 19.11.2025 23:17 20

Kənan Yıldız “Yuventus”la yeni müqavilə üzrə razılığa yaxınlaşır

AZ24.az xəbər verir ki, Türkiyə milli komandasının futbolçusu Kənan Yıldız “Yuventus”la yeni müqavilə danışıqlarında irəliləyiş əldə edib. Klubun oyunçunun uzunmüddətli olaraq komandada qalması üçün 2030-cu ilə qədər yeni müqavilə təklif etməyə hazırlaşdığı bildirilir.

Məlumata görə, “Yuventus” Kənanı komandada saxlamaq üçün maaş artımı da daxil olmaqla daha yaxşı şərtlər təqdim etməyi planlaşdırır.

Futbolçuya “Çelsi” və “Liverpul” kimi klubların maraq göstərdiyi deyilsə də, Kənan Yıldızın “Yuventus”da qalmağa üstünlük verdiyi qeyd olunur.