“K-beauty” axınını dünyaya tanıdan məşhur influenser öldü – FOTO

Əsl adı Li Da-sol olan və sosial mediada Daddoa adı ilə tanınan 29 yaşlı fenomenin 16 dekabrda həyatını itirdiyi açıqlanıb.

Az24.az xəbər verir ki, məlumatı onunla çalışan “Leferi Beauty Entertainment” agentliyi təsdiqləyib. Ölüm səbəbi ailənin istəyi ilə açıqlanmayıb.

Daddoa Cənubi Koreyaya məxsus dəriyə qulluq və makiyaj anlayışı olan “K-beauty”nin qlobal miqyasda tanınmasında önəmli rol oynayan simalardan biri hesab olunurdu. O, YouTube və digər platformalarda milyonlarla izləyici toplamış, Koreya kosmetik məhsullarının beynəlxalq bazarlara çıxarılmasına töhfə vermişdi.

Fenomenin ani ölümü həm Cənubi Koreyada, həm də dünya üzrə pərəstişkarları arasında böyük kədər doğurub. Sosial şəbəkələrdə onunla bağlı çoxsaylı vida mesajları paylaşılıb.