“İnci Taneleri”nin yeni sezonu bu tarixdə başlayacaq

“İnci Taneleri” serialının mövsüm finalından xeyli vaxt keçib və izləyicilər “Yeni mövsüm nə vaxt başlayacaq?” sualına cavab axtarır.

Az24.az Türkiyə mətbuatına istinadla xəbər verir ki, Kanal D-nin sevilən serialı “İnci Taneleri” üçüncü mövsümü ilə ekrana qayıtmağa hazırlaşır.

Rəsmi açıqlama hələlik verilməsə də, bəzi iddialara görə, serialın 3-cü mövsümünün 2026-cı ilin yanvarında başlayacağı ehtimal olunur. Yeni mövsümün dəqiq tarixi hələ müəyyən edilməyib, lakin çəkiliş və hazırlıq işləri davam edir.

“İnci Taneleri” serialı 44-cü bölümü ilə 15 may 2025-də mövsüm finalı edib. Buna görə də serialın yeni bölümləri hələ efirə çıxmayıb və bu həftə yayımlanması gözlənilmir. Hazırda yeni mövsümün hazırlıqları davam etdiyi üçün izləyicilərin bir az da səbirli olması lazımdır.

“İnci Taneleri” yüksək reytinqləri və geniş izləyici kütləsi səbəbilə 3-cü mövsümlə geri dönməyi planlaşdırır.

Dəniz