İlin sözü bu oldu

“Oxford University Press” 2025-ci ilin sözü olaraq “rage bait” ifadəsini elan edib.

Az24.az xəbər verir ki, bu termin internetdə istifadəçilərin qəzəbini və emosional reaksiyalarını şüurlu şəkildə hədəfləyən, qəsdən təxribat xarakterli və ya aqressiv onlayn məzmunu təsvir edir. Məqsəd bu məzmunun paylaşılması, bəyənilməsi və şərhlərlə viral olmasıdır.

Bu il üçün digər namizədlər arasında “aura farming” və “biohack” ifadələri də olub, lakin ictimai səsvermə və dilçilərin analizinə əsasən qalib “rage bait” seçilib.

Araşdırmalar göstərir ki, son 12 ay ərzində bu ifadənin istifadəsi üç dəfə artıb və bu da onlayn davranışlarda emosional manipulyasiyanın gücləndiyini göstərir.

Bu, 2025‑ci ildə dil və internet mədəniyyətində nəinki bir trendin, həm də geniş ictimai müzakirələrin — onlayn manipulyasiya, emosional manipulyasiyanın rolu və mətbuat‑media etikası barədə diqqəti artıran vacib seçimdir.

Dəniz