Həkimin idarə etdiyi maşın kanala düşdü – Ölən var

Neftçala rayonunda ölümlə nəticələnən yol-nəqliyyat hadisəsi baş verib. 

Az24.az xəbər verir ki, “Unikal”ın əldə etdiyi məlumata görə, uzun illər Salyan Rayonlararası Psixiatriya Xəstəxanasının baş həkimi vəzifəsində çalışmış həkim Yaşar Kərimovun idarə etdiyi “Toyota” markalı avtomobil güclü duman səbəbindən idarəetmədən çıxaraq kanala düşüb.

Hadisə rayonun Qırmızıkənd kəndində, mərhumun yaşadığı evin yaxınlığında qeydə alınıb. Qəza nəticəsində 73 yaşlı Yaşar Kərimov hadisə yerində həyatını itirib.

Qeyd edək ki, Y. Kərimov Biləsuvar rayonunda yerləşən özəl “Yovşan” klinikasında çalışırmış.

Faktla bağlı araşdırma aparılır.