Harri Keyn “Barselona” iddialarına cavab verdi

İngiltərə millisinin və “Bavariya” klubunun hücumçusu Harri Keyn İspaniyanın “Barselona” klubu ilə bağlı yayılan transfer xəbərlərinə münasibət bildirib.

AZ24.az xəbər verir ki, Keyn onunla bağlı səslənən iddiaları qəti şəkildə təkzib edib və Münhendə qalmaq istədiyini vurğulayıb.

“Kimlərin bu barədə danışdığını bilmirəm, amma mənə heç bir təklif gəlməyib. Özümü burada çox rahat və xoşbəxt hiss edirəm”, – ulduz futbolçu açıqlamasında deyib. Harri Keyn bildirib ki, hazırda bütün diqqəti “Bavariya”nın nəticələrinə yönəlib və gələcək transfer planlarını müzakirə etmir.

Qeyd edək ki, son günlər İspaniya mətbuatında “Barselona”nın Robert Levandovskinin mümkün əvəzləyicisi kimi Harri Keyni nəzərdən keçirdiyi barədə xəbərlər yayılmışdı. Lakin futbolçunun açıqlaması bu ehtimalları rəsmən təkzib etmiş olub.