Günəşdə güclü partlayışlar olacaq

Alimlər yaxın günlərdə Günəşdə baş verəcək partlayışların həm sayının, həm də gücünün əhəmiyyətli dərəcədə artacağını proqnozlaşdırır.

Az24.az xəbər verir ki, bu barədə Rusiya Kosmik Tədqiqatlar İnstitutunun Günəş Astronomiyası Laboratoriyası və Günəş-Yer Fizikası İnstitutu məlumat yayıb.

Mütəxəssislərin sözlərinə görə, Günəşin Yerə doğru yönəlmiş hissəsində bir neçə iri aktiv zona yaranıb və bu, güclü partlayış ehtimalını xeyli yüksəldir.

Bildirilir ki, son 24 saat ərzində Günəş şüalanmasının səviyyəsi təxminən beş dəfə artıb. Eyni zamanda, kiçik və orta güclü partlayışların da çoxalması, Günəşdə enerji ehtiyatlarının sürətlə toplandığını göstərir və yaxın günlərdə daha güclü partlayışların baş verməsi gözlənilir.