Güllünün qızı ittihamları rədd etdi – O söz mənə aid deyil

Anası Güllünü qətlə yetirməkdə şübhəli bilinən Tuğyan Ülkem Gülterin hüquq-mühafizə orqanlarına verdiyi ifadə ictimaiyyətə açıqlanıb.

Az24.az Türkiyə mətbuatına istinadən xəbər verir ki, Gülter dindirilmə zamanı ona yönələn ittihamları rədd edib və hadisə ilə bağlı öz müdafiəsini təqdim edib.

O bildirib ki, anasının çəkisi onunkundan xeyli ağır olub və bu səbəbdən onu qaldırmasının fiziki cəhətdən mümkün olmadığını deyib. Gülter hadisə zamanı arxası dönük olduğu üçün baş verənləri görmədiyini də qeyd edib.

Şübhəli şəxs ifadəsində Sultan adlı şəxslə aralarında hər hansı münaqişənin olmadığını, onların yaxın rəfiqə olduqlarını vurğulayıb. Anasını itələmədiyini deyən Gülter, əgər belə bir hal baş versəydi, anasının kömək üçün qışqıracağını bildirib.

Səs yazısında eşidilən “görüşərik” ifadəsinin isə ona məxsus olmadığını xüsusi olaraq qeyd edib.