Göyçayda “Mercedes”lə “Qazel” toqquşdu, xəsarət alan var – VİDEO

Göyçay rayonu ərazisində yol-nəqliyyat hadisəsi baş verib.

Az24.az “Unikal”a istinadən bildirir ki, qəza ötən gün axşam qeydə alınıb.

24 yaşlı Xəqani Əhmədovun idarə etdiyi “Mercedes”lə 60 yaşlı Bağır Feyzullayevin idarə etdiyi “Qazel” markalı avtomobillər toqquşub.

Nəticədə minik avtomobilinin sürücüsü xəsarət alıb. Qəza zamanı “Qazel”də yanğın baş verib və FHN əməkdaşları tərəfindən söndürülüb.

Faktla bağlı araşdırma aparılır.