FIFA DÇ: Oyunların Bakı vaxtı ilə tam cədvəli açıqlandı

FIFA qarşıdan gələn dünya çempionatının oyun cədvəlini açıqlayıb.

Az24.az xəbər verir kİ, turnir iyunun 11-də başlayacaq və iyulun 19-dək ABŞ, Meksika və Kanadada keçiriləcək.

Açılış matçı Meksika və Cənubi Afrika Respublikası milliləri arasında baş tutacaq. Oyun Bakı vaxtı ilə saat 23:00-da start götürəcək. Eyni gün Cənubi Koreya yığması UEFA pley-off qaliblərindən biri ilə qarşılaşacaq və bu matç saat 08:00-da keçiriləcək.

İyunun 12-də Kanada yığması UEFA pley-off qalibi ilə qarşılaşacaq, oyun saat 23:00-da başlayacaq. ABŞ və Paraqvay millərinin matçı isə saat 05:00-da keçiriləcək.

Qrup mərhələsində iyunun 23-nə qədər hər gün dörd qarşılaşma olacaq. Oyunların başlama saatları Bakı vaxtı ilə 08:00-dan 20:00-dək dəyişəcək. Qrupun son turunda isə gündə altı oyun keçiriləcək, start vaxtları 23:00–00:00 və 06:00–07:00 aralığında olacaq.

1/16 final matçları Bakı vaxtı ilə 20:00–07:00 arasında keçiriləcək, 1/8 final oyunları isə 20:00–04:00 aralığında start götürəcək. Dörddəbir final matçlarının vaxtları müxtəlifdir: 9 iyul saat 00:00, 10 iyul saat 23:00, 13 iyul saat 01:00 və 05:00.

Yarımfinal qarşılaşmaları iyulun 14-15-də, hər ikisi saat 23:00-da baş tutacaq. Üçüncü yer uğrunda matç 20 iyul saat 01:00-da, final görüşü isə saat 23:00-da keçiriləcək.

Turnir azarkeşlər üçün sürətli və maraqlı oyunlarla dolu olacaq, hər kəs üçün Bakı vaxtı ilə izləmək mümkündür.

Dəniz