Fatih Ürek vəfat etdi

Türkiyənin tanınmış müğənnisi Fatih Ürek keçirdiyi ağır ürək tutmasından sonra müalicə aldığı xəstəxanada vəfat edib.

AZ24.az Türkiyə mətbuatına istinadən xəbər verir ki, sənətçi 15 oktyabr tarixində evində səhər yeməyi zamanı ürək tutması keçirdikdən sonra xəstəxanaya yerləşdirilmişdi.

Məlumata görə, Fatih Ürek təxminən üç ay yarım müddətində reanimasiya və intensiv terapiya şöbəsində müalicə alıb. Onun ürəyinin 20 dəqiqə ərzində dayandığı, həkimlərin müdaxiləsi ilə yenidən həyata qaytarıldığı bildirilib. Lakin bütün səylərə baxmayaraq, sənətçinin həyatını xilas etmək mümkün olmayıb.

Qeyd edək ki, Fatih Ürek daha əvvəl də səhhətində yaranan ciddi problemlərlə gündəmə gəlmiş, uzun illər musiqi və səhnə fəaliyyəti ilə Türkiyə şou-biznesində tanınmış simalardan biri olmuşdu.