Evdə tez və rahat pizza necə hazırlanır? – RESEPT

Müasir həyat tərzində mətbəxdə saatlarla vaxt keçirmək hər kəs üçün mümkün olmur. Elə bu səbəbdən həm tez hazırlanan, həm də sevilən yeməklər daha çox üstünlük qazanır. Pizza isə bu siyahının dəyişməz liderlərindən biridir. Düzgün üsul və sadə ərzaqlarla evdə qısa zamanda dadlı və rahat pizza hazırlamaq mümkündür.

Lazım olan ərzaqlar

-Hazır lavaş və ya hazır pizza xəmiri

-Pomidor sousu və ya ketçup

-Rəndələnmiş pendir (kaşar və ya mozzarella)

-Kolbasa, sosis və ya bişmiş toyuq (istəyə görə)

-Göbələk

-Zeytun

-Bibər, pomidor

Hazırlanma prosesi

Pizza hazırlanarkən ilk olaraq soba öncədən qızdırılır. Hazır baza siniyə yerləşdirilir və üzərinə nazik qatla pomidor sousu çəkilir. Daha sonra seçilmiş içliklər düzülür və üzərinə bol pendir səpilir. Qısa müddətdə sobada bişən pizza pendiri əridikdə və kənarları yüngül xırtıldadıqda hazır hesab olunur.

Sobası olmayanlar və ya daha sürətli üsul axtaranlar üçün qapaqlı tavada zəif odda bişirmə üsulu da mümkündür. Bu zaman pizza həm yumşaq, həm də dadlı alınır.

Daha sağlam qidalanmaq istəyənlər kolbasa əvəzinə tərəvəzlərə və ya bişmiş toyuq ətinə üstünlük verə bilər. Tam buğda lavaşı və ya az yağlı pendirdən istifadə pizzanı daha yüngül edir.

Dəniz