Ən çox istifadə olunan şifrə bəlli oldu – Ən çox Z nəsli istifadə edir

Yeni bir araşdırma nəsillərin parol seçimi vərdişlərini üzə çıxarıb və nəticələrə görə bütün nəsillər arasında ən çox istifadə olunan şifrə “12345” olub.

Az24.az xəbər verir ki, tədqiqat həmçinin göstərib ki, Z nəsli digər nəsillərlə müqayisədə daha çox “parol yorğunluğu” yaşayır – Z nəslinin 72%-i eyni şifrəni bir neçə platformada təkrar-təkrar istifadə edir.

Parol meneceri NordPass tərəfindən yayımlanan hesabat nəsillərin rəqəmsal dünyada ən çox seçdiyi parolları araşdırıb.

1997-ci ildən sonra doğulanlar arasında ən populyar şifrə “12345” olub. Ardınca digər ardıcıl rəqəm kombinasiyaları gəlir. “Şifre” (password) sözü isə siyahıda beşinci yerdə qərarlaşıb. Hətta “skibidi” sözü belə 7-ci ən populyar parol kimi qeyd olunub.

Hesabata görə, Z nəsli parol yaddasaxlama mövzusunda çətinlik yaşasa da, digər nəsillərə nisbətən biometrik identifikasiya və iki mərhələli doğrulama kimi daha inkişaf etmiş təhlükəsizlik üsullarından daha çox istifadə edir.

Google şirkətinin məxfilik, təhlükəsizlik və qorunmadan məsul vitse-prezidenti Evan Kostovinos bildirib:

“Rəqəmsal dövrdə böyüyən Z nəsli artıq ənənəvi parollara yox, daha güclü identifikasiya vasitələrinə üstünlük verir.”