Ən ağıllı insanlar bu tarixlərdə doğulur

Hər bir bürcün özünəməxsus xarakter cizgiləri və bacarıqları var. Zəka da bu fərqləndirici xüsusiyyətlərdən biridir. Astroloq və numeroloqların fikrincə, bəzi doğum tarixləri var ki, həmin günlərdə dünyaya gələn insanlar güclü analitik düşüncə, praktik ağıl və sürətli qərarvermə qabiliyyəti ilə seçilirlər.

Az24.az xəbər verir ki, mütəxəssislərin rəyinə əsasən, xüsusilə bu üç tarixdə doğulan şəxslər zəkaları ilə ətrafdakıların diqqətini cəlb etməyi bacarırlar.

Astrologiyada “ən ağıllı” hesab edilən bu tarixlər və onları fərqləndirən xüsusiyyətlər belədir:

Ayın 5-i

İstənilən ayın 5-də doğulan insanlar zəkanın və ünsiyyətin simvolu sayılan Merkuri planetinin təsiri altındadırlar. Onlar çevik düşüncəli, sosial, maraqlı və dinamik xarakterləri ilə tanınırlar. Məlumatı çox qısa müddətdə analiz edə bilən bu şəxslər, müxtəlif həyat təcrübələrindən yararlanaraq problemlərə praktik həll yolları tapmaqda ustadırlar.
Dəyişikliyə açıq olmaları onlara başqalarının görə bilmədiyi fürsətləri vaxtında dəyərləndirməyə imkan verir.

Ayın 20-si

Ayın təsiri altında doğulan bu insanlar zahirən sakit və həssas görünsələr də, əslində olduqca güclü yaddaşa və dərin düşünmə qabiliyyətinə malikdirlər. Onların əsas üstünlüklərindən biri yüksək emosional zəkadır.
Bu tarixdə doğulanlar qarşısındakı insanın hisslərini, niyyətlərini və düşüncələrini sözə ehtiyac qalmadan anlaya bilirlər. Zəkaları xüsusilə başqalarına yardım etdikdə, yol göstərdikdə və dəstək olduqda daha qabarıq şəkildə üzə çıxır.

Ayın 22-si

Ayın 22-də dünyaya gələn insanlar məqsədyönlü və praktik düşüncə tərzi ilə seçilirlər. Onlar uğura tələsmədən, möhkəm təməl üzərində addım-addım irəliləməyi üstün tuturlar.
Özlərinə inamları yüksəkdir və bacarıqlarını daim inkişaf etdirməyə çalışırlar. Bu səbəbdən də həyatlarının ən böyük nailiyyətlərinə daha gec yaşlarda çata bilərlər. Uran planetinin təsiri ilə doğulan bu şəxslər yenilikçi baxışları, güclü xarakterləri və dəyişiklik yaratmaq istəkləri ilə gələcək nəsillərə fayda verəcək işlər görməyə meyllidirlər.