Elm dünyasında 2026-da gözlənilən KƏŞFLƏR

Elm və texnologiya sahəsində sürətli inkişaf 2026-cı ildə də yeni və maraqlı kəşflərlə yadda qala bilər.

AZ24.az xəbər verir ki, “The Guardian” jurnalında dərc olunan analitik yazıda alimlərin və tədqiqatçıların yaxın gələcək üçün irəli sürdüyü bir sıra elmi gözləntilər yer alıb. Həmin yazıda elm dünyasında mümkün hesab edilən 9 maraqlı kəşf və yenilik diqqətə çatdırılıb.

Jurnalın yazdığına görə, bu gözləntilər hələlik proqnoz xarakteri daşısa da, mövcud elmi nailiyyətlər onların reallaşma ehtimalını artırır.

Ən diqqətçəkən elmi gözləntilər bunlardır:

İnsan beyninin daha dərindən öyrənilməsi – yaddaş, diqqət və vərdişlərin formalaşması ilə bağlı yeni mexanizmlərin kəşfi.

Süni intellektin elmdə yeni mərhələyə keçidi – mürəkkəb elmi problemlərin süni intellekt vasitəsilə daha sürətli həlli.

Yeni materialların yaradılması – həm yüngül, həm də son dərəcə davamlı maddələrin istehsalı.

Canlı dillərarası tərcümə texnologiyaları – real vaxt rejimində demək olar ki, səhvsiz tərcümə imkanları.

Xəstəliklərin erkən diaqnostikası – qan və genetik analizlərlə xəstəliklərin illər öncə aşkarlanması.

İqlim dəyişikliyi ilə mübarizədə yeni üsullar – karbonun atmosferdən daha effektiv çıxarılması.

Kosmos tədqiqatlarında irəliləyiş – Ay və Marsla bağlı yeni elmi məlumatlar.

İnsan davranışlarının elmi izahı – tənbəllik, diqqət dağınıqlığı və vərdişlərin elmi səbəblərinin daha dəqiq anlaşılması.

Yeni hiss və qavrayış formaları – insanın rəngləri və səsləri daha fərqli formada qavraması ilə bağlı araşdırmalar.

“The Guardian” jurnalında vurğulanıb ki, bu ideyaların bəziləri yaxın illərdə reallığa çevrilə, bəziləri isə elm üçün yeni müzakirə mövzuları yarada bilər. Hər halda, 2026-cı il elmi baxımdan olduqca maraqlı və yeniliklərlə zəngin bir il vəd edir.