Dünyanın ən uzun uçuşu 29 saatla rekord qırdı

“China Eastern Airlines” Şanxay–Buenos Ayres marşrutu üzrə yeni reys açaraq aviasiya tarixində rekord qırıb.

Az24.az xəbər verir ki, 12 400 mil məsafəni qət edən uçuş ümumilikdə 29 saat davam edir və hazırda dünyanın ən uzun kommersiya səfəri hesab olunur.

4 dekabrdan etibarən həyata keçirilən reyslər əvvəl iki günə qədər çəkən transferli uçuşlara rahat alternativ təklif edir. Təyyarə yol boyu Yeni Zelandiyanın Oklend şəhərində qısa texniki dayanacaq edir.

Marşrut üzrə Şanxaydan Buenos Ayresə uçuş təxminən 25 saat 55 dəqiqə, əks istiqamətdə isə külək şəraitinə görə 29 saat çəkir.

Bu reysdən əvvəl ən uzun kommersiya uçuşu Sinqapur Hava Yollarının Nyu-York–Sinqapur xətti idi (19 saat). Qantas isə 2027-ci ildə Sidney–London arasında 22 saatlıq reys açmağı planlaşdırır.

Dəniz