Dubayda hava taksisi ilk sınaq uçuşunu etdi

Texnologiya 19.11.2025 22:38 35

Dubayda eVTOL hava taksisi ilk sınaq uçuşunu uğurla həyata keçirib.

AZ24.az xəbər verir ki, Dubayda elektrik mühərrikli şaquli qalxma-eniş imkanına malik eVTOL hava taksisinin ilk pilotlu sınaq uçuşu uğurla başa çatdırılıb.

BƏƏ-nin Yol və Nəqliyyat İdarəsi (RTA) ilə ABŞ-ın Joby Aviation şirkətinin birgə layihəsi çərçivəsində həyata keçirilən uçuş Marqham test mərkəzindən Al Maktum Beynəlxalq Hava Limanına qədər icra olunub.

Sınaq uçuşunun uğurlu nəticəsi Dubayın hava taksi xidmətlərini 2026-cı ildən kommersiya istifadəsinə vermək planlarına mühüm mərhələ kimi qiymətləndirilir. RTA bildirir ki, şəhərdaxili sürətli hava nəqliyyatı konsepsiyası gələcəkdə Dubayın nəqliyyat infrastrukturunun əsas elementlərindən birinə çevriləcək.