Dubayda dünyanın ən hündür oteli açıldı

Rəsmi olaraq dünyanın ən hündür oteli statusu qazanan “Ciel Dubai Marina” fəaliyyətinə başlayıb.

Az24.az xəbər verir ki, BƏƏ-nin “National” nəşri otelin qapılarının ilk qonaqlar üçün açıldığını bildirib. 377 metr hündürlüyə malik nəhəng otel bununla da indiyə qədər rekordçu olan, 356 metrlik “Gevora” otelini geridə qoyub.

Müasir memarlıq üslubu və panoramik mənzərələri ilə seçilən “Ciel Dubai Marina” Dubayın qonaqpərvərlik sektorunda yeni mərhələ hesab olunur.

Maraqlıdır ki, dünyanın ən hündür 10 otelinin 8-i məhz Dubayda yerləşir və bu yeni obyekt ölkənin qlobal turizm mərkəzi kimi mövqeyini daha da gücləndirir.